ஷீயாயிஸத்துக்குப் பலியாகும் உலமாக்களும், பாராமுகமாய் இருக்கும் ஜம்இய்யதுல் உலமாவும்

M.T.M.Farzan

சத்திய  இஸ்லாத்தின்  தூய்மையை சீர்கெடுத்து, வழிகேட்டுக் கருத்துக்களை சமுதாய மன்றத்தில் விதைத்து, முஸ்லிம்களின்  ஈமானுக்கு  ஆப்பு வைக்கும் வழிகேட்டு  இயக்கங்கள், பல நாடுகளிலும் இஸ்லாமிய வரலாறு நெடுகிளும் வோர்பிடித்தே வந்துள்ளன. எமது இலங்கை மண்ணிலும் இத்தகைய கொள்கை முரண் இயக்கங்களின் இயங்கு வேகம் அண்மைக் காலமாய் கச்சிதமான நிகழ்ச்சி நிரல்கள் ஊடாக, வீரியமாய் வியாபித்த வண்ணம் உள்ளதை களப்பணி புரியும் அழைப்பாளர்கள் அறியாதிருக்க முடியாது.

'எல்லாம் இறைவன்” எனும் சிந்தனைக்குள் சிறைப்பட்ட 'தரீகதுல் முப்லிஹீன்” எனும் அமைப்பு, 'நபித்துவத்தின் வருகை முற்றுப்பெறவில்லை. மிர்ஸா குலாம் அஹமத் என்பவனும் நபியே!” என்று வாதிடும் 'காதியானிகள்” என்ற பிரிவு, 'கல்கியும் நானே! எதிர்பார்க்கப்படும் மஹ்தியும் நானே!” எனும் கொள்கையுடைய 'மஹ்தி ஃபௌண்டேஷன்” எனும் அமைப்பு, 'இறைவனை நெருங்குவதற்கு இறைநேசர்கள் துணை அவசியம்” என்று கூறி தர்ஹாக்களை வழிபடும் 'தரீகாக்கள்”, 'கலீபாவுக்குத் தகுதிவாய்ந்தவர் அலி (ரலி) அவர்களே! இதைத் தட்டிப்பறித்த மூன்று கலீபாக்களும், அஹ்லுல் பைத்தை சாராத நபித்தோழர்கள் அனைவரும் காபிர்கள்” எனும் விஷக்கருத்தை விதைக்கும் 'ஷீயாக்கள்” மற்றும் இவர்களின் கருத்தை வழிமொழிந்து நடைமுறைப்படுத்தும் 'போராக்கள், இஷாஅதுல் இஸ்லாம், தஃவதே இஸ்லாமி” உள்ளிட்ட உப பிரிவுகள் போன்றன இலங்கையில் செயற்பட்டு வரும் வழிகேட்டை வளர்க்கும் ஷைத்தானின் கட்சியினராவர்.

இவ்வனைத்து வழிகேட்டுப் பிரிவினர்களினதும் மூல ஊற்றாய் இருப்பது 'ஷீயா” எனும் கும்பலே! இறுதி நபித்துவத்தில் ஐயப்பாட்டை தோற்றுவித்து, ஒட்டு மொத்த நபித்தோழர்களை காபிராக்கி, புனிதக் குர்ஆனில் கையாடல் புரிந்து, இறை விசுவாசிகளின் அன்னை ஆயிஷா (ரலி) அவர்களுக்கு விபச்சாரப் பட்டம் சுட்டி, கப்ரு வணக்கத்தை அறிமுகப்படுத்தி, சுன்னிகளை தெரு நாய்களாக சித்தரிக்கும் படு மோசமான கொள்கைகள் குடிகொண்ட வழிகேட்டின்  மொத்த வார்ப்பே 'ஷீயா” என்றால் மிகையாக மாட்டாது.

இவர்கள் தங்கள் நச்சுக் கருத்துக்களை லாவகமாய் சமூகமயப்படுத்தும் செயற்திட்டங்களை நாசுக்காக நகர்த்திக் கொண்டிருக்கிறார்கள். ஷீயாயிஸத்தை ஏற்றுமதி செய்யும் ஈரான், இலங்கை ஈரான் தூதரகத்தின் அனுசரணையுடன் இலங்கை மண்ணில் தங்கள் கொள்கையினை பரப்பும் பணியில் பம்பரமாய் செயற்படுகின்றனர். ஈரானுடனான இலங்கை அரசின் நல்லுறவை மூலதனமாய்க் கொண்டே இக்காய் நகர்த்தல் மேற்கொள்ளப்பட்டு வருகின்றது.

குறிப்பாக ஷீயாயிஸம் எனும் விஷம் 'கல்வி மற்றும் சிந்தனை மாற்றம்” எனும் யுக்தியை கையாண்டே இலங்கைக்குள் பரப்பப்பட்டு வருகின்றது. இலங்கை ஈரான் தூதரகத்தின் ஊடாக வெளியிடப்படும் தூது எனும் சஞ்சிகை, இஸ்லாமிய கலாசார மையத்தினால் ஓட்ட மாவடியில் இருந்து வெளியிடப்படும் அஹ்லுல் பைத் மாதாந்த சஞ்சிகை, இஷாஅது அஹ்லிஸ்ஸூன்னா பேரவையினால் வெளியிடப்படும் வெற்றி எனும் சஞ்சிகை, வெலிகமை மிலேனியம் கல்வி ஸ்தாபனத்தின் கருத்துக் களம் நூல் வெளியீடு மற்றும் வாழ்வும் பண்பாடும் எனும் வானொலி நிகழ்ச்சி, மீராஒடையில் அமைந்துள்ள மன்பஉல் ஹூதா அரபுக்கல்லூரி, மானிக்கம் பிடியில் நிறுவப்பட்டுள்ள ஸகிய்யா மகளிர் அரபுக் கல்லூரி போன்ற சிந்தனா ரீதியில் பாரிய விளைவுகளை சமூகத்தளங்களில் தோற்றுவிக்கும் திட்டங்களின் ஊடாக பல்லாயிரம் மக்களின் சிந்தனைகளை ஷீயாயிஸப் படுத்தும் பணி படுவேகமாய் முன்னெடுக்கப்பட்டு வருகிறது.

இவையனைத்துக்கும் சிகரம் வைத்தாற் போல், ஒரு சமூகத்தை வழிநடாத்துபவர்கள் என்று அடையாளப்படுத்தப்பட்டுள்ள ஆலிம்களை ஷீயா வலையில் சிக்க வைக்கும் சதி தற்போது தீட்டப்பட்டு வருகிறது. கடந்த 2011-12-09 ஆம் திகதி தினகரன் பத்திரிகையின் ஆலமுல் இஸ்லாம் பகுதியில் 'ஒற்றுமை உணர்வை இழந்தமையே உலக முஸ்லிம்களின் பின்னடைவு” எனும் தலைப்பில் மவ்லவி ஏ.சி அஹ்மத் பழில் (காஸிமி) அவர்களால் வரையப்பட்ட ஆக்கம் இவ்வுண்மையை தெளிவாகச் சொல்கிறது.ஈரானில் நிறுவப்பட்டுள்ள அல் ஜாமிஅத்துல் முஸ்தபா அல் ஆலமிய்யா சர்வதேச பல்கலைக்கழகம் இலங்கை மத்ரஸாக்களில் கல்வி கற்று வெளியேறிய ஆலிம்களில் சிலரை தேர்ந்தெடுத்து, முதற் கட்டமாக ஒரு மாத கால வதிவிட பயிற்சி நெறிக்காக ஈரானுக்கு அழைத்துச் சென்றுள்ளது. மேற்படி ஆக்கத்தை எழுதியவரும் இப்பயிற்சி நெறியில் கலந்து கொண்டுள்ளமை குறிப்பிடத்தக்கது. இப்பல்கலைக்கழகத்தின் இலங்கைக்கான பிரதிநிதியாக ஹூஜ்ஜதுல் இஸ்லாம் அஸ்ஸெய்யித் ஹமீத் றிழா ஹகீகி நியமிக்கப்பட்டுள்ளார்.

மேற்படி முஸ்தபா பல்கலைக்கழகம் உலகில் நிறுவப்பட்ட முதலாவது ஷீயா பிரயோக பல்கலைக்கழகம் என்று அதன் பணிப்பாளர் ஹூஜ்ஜதுல் இஸ்லாம் அத்தரான் வெளியிட்ட அறிக்கை, ஷீயா இணைய தளங்களில் ஒன்றான www.iqna.ir  இல் இடம்பெற்றுள்ளது. அத்தோடு எதிர்காலங்களில் இப்பல்கலைக் கழகத்திற்கான புலமைப் பரிசில்கள் வழங்கும் நடைமுறை அதிகப்படுத்தப்படுவதற்கும் வாய்ப்புகள் உண்டு.

எது எப்படியிருப்பினும், இலங்கையில் ஷீயா சிந்தனையின் அடிப்படையில் ஓர் சமூக கட்டமைப்பு நிறுவப்படுவதற்கான புர்வாங்க ஏற்பாடுகள் ஆலிம்களின், அரசியல் வாதிகளின் பின்புலத்துடன் இனிதே அரங்கேறி வருகிறது. எனவே, கிட்டிய கால இடைவெளிக்குள் நபிகளாரை குறைகண்டு, ஸஹாபாக்களை காபிராக்கும் ஓர் பரம்பரை பரவலாக துளிர்விடும் என்பதே நிகழ்காலம் எமக்கு சொல்லும் செய்தி.

காதியானிகள் விடயத்தில் களத்தில் இறங்கிய ஜம்இய்யதுல் உலமா ஷீயாக்கள் விடயத்தில் கருத்துச் சொல்லாது மௌனியாக இருப்பது நிலைமையை மேலும் தீவிரமடையச் செய்யவே வழிவகுக்கும். அரசியல், அதிகார பின்புலங்களுக்கு அஞ்சி அசத்திய வாதிகளின் முகத்திரையை ஜம்மிய்யதுல் உலமா கிழித்தெறியாவிட்டால் அல்லாஹ்வின் விசாரணை மன்றத்தில் எமது சாயம் வெளுத்து விடும் என்பதை மனதில் இருத்தி செயற்பட வேண்டும்.

அகில இலங்கை ஜம்இய்யதுல் உலமா மற்றும் களப்பணி புரியும் ஏனைய இஸ்லாமிய இயக்கங்கள் இது விடயத்தில் தங்கள் பார்வையை கூர்மைப் படுத்தி, தக்க நடவடிக்கை எடுக்கத் தவறினால் நாளை உங்கள் மடியில் வளர்ந்தப் பிள்ளையும் ஒரு ஷீயா சிந்தனைவாதியாய் வார்க்கப்படும் நாள் வெகு தொலைவில் இல்லை என்பதை மட்டும் மறந்து விடாதீர்கள்!